ဘာသာကြီး၎ခုရှိပါတယ်။ ခရစ်ယန်၊ မူဆလင်၊ ဟိန္ဒြူ နဲ့ ဗုဒ္ဓဘာသာ ဖြစ်ပါတယ်။ အခြားယုံကြည်မှုများစွာရှိပါသေးတယ်။ ဘုရားရှိတယ်၊ မရှိဘူး၊ စသဖြင့် .. အားလုံး မိမိတို့ယုံကြည်ချက်နဲ့ လောကခရီးကို လျှောက်နေကြပါတယ်။
ယုံကြည်မှု ကျွန်တော့ Personal အမြင်လေးတခုကို ရေးချင်ပါတယ်။
ယေရှု လူ့လောကကို ရောက်လာပြီး၊ ယုံကြည်မှုအကြောင်းတွေကို ပြောခြင်းကို လက်မခံပဲ၊ ကားတိုင်ပေါ်မှာ အသေသတ်ပစ်လိုက်ပါတယ်။ စွတ်စွဲပြောဆိုခြင်းများကို ပြန်မချေပတော့ပဲ၊ ငြိမ်သက်စွာနဲ့ အသေခံသွားပါတယ်။ ခနွာကိုယ်ညှင်းဆဲ၊သတ်ဖြတ်မှုခံရသော်လည်း ယေရှုရဲ့ဝိညာဉ်ဟာ လွတ်မြောက်၊ငြိမ်းချမ်းလှပါတယ်။ သေလွန်ပြီးတဲ့နောက်ပိုင်းမှာ ထာဝရအသက်ရှင်သန်ခြင်းကိုရရှိကြောင်းလဲ ရှင်ပြန်ထမြောက်ခြင်းဖြင့် သက်သေပြခဲ့ပါတယ်။
လောကကို အောင်မြင်ဖို့ရာ ယေရှုပြောစကားကို နားထောာင်တာထက်၊ ယေရှုလက်တွေ့လုပ်သွားတာကို လိုက်လုပ်နိုင်ဖို့က ပိုအရေးကြီးပါတယ်။
ဒါကြောင့် ယေရှုအသေခံပြီးတဲ့နောက်ပိုင်းမှာ တပည့်တော်များလည်း သူ့ရဲ့ပုံသက်သေအတိုင်း ပြသနာ၊အခက်ခဲများကို ငြိမ်သက်စွာပဲ၊ ဘုရားလက်အပ်နှံဖြေရှင်းခဲ့ပါတယ်။ ကနဦးခရစ်ယန်များစွာ အသေသတ်ခံရပါတယ်။ အနှစ်၃၀၀ကြာပြီး .. ရောမဧကရာဇ် ကွန်စတင်တိုင် ကိုယ်တိုင် ခရစ်ယန်တစ်ဥိးဖြစ်လာပါတယ်။ ယခုလည်း ခရစ်တော်ယေရှုရဲ့ ငြိမ်သက်စွာ အသေခံခြင်းနည်းလမ်းဟာ ပြသနာဖြေရှင်းနည်း နံပါတ်(၁) ဖြစ်နေဆဲပါပဲ။
ခရစ်ယန်များ ငြိမ်သက်စွာမနေပဲ တိုက်ခိုက်ကြလို့၊ ဆုံးရှုံးမှုများစွာ သမိုင်းမှာ ကြုံရပါတယ်။ ကရူးဆိတ်စစ်ပွဲကိုလည်း ဥရောပနိုင်ငံများနဲ့မူဆလင်တို့ တိုက်ကြပါတယ်။ ခေတ်သစ်မှာလည်း အမေရိကန်က အီရတ်ကို ၀င်တိုက်တာ အရှုံးကြီးဖြစ်နေပါတယ်။ အမေရိကန် ခရစ်ယန်များ လက်နက်အင်အားနဲ့ ဗီယက်နမ်၊ ကိုးရိးယား၊ တရုပ်များကို မနိုင်ပါဘူး။ သို့သော် ငြိမ်သက်စွာနည်းလမ်းနဲ့ ခရစ်တော်နောက်လိုက်များကြောင့် ခရစ်တော်ကို ဗီယက်နမ်၊ ကိုးရီးယား၊ တရုပ်လူမျိုးများ သိရှိ၊လက်ခံပြီး သူတို့နိုင်ငံလည်း ပြောင်းလဲရပါတယ်။
၁။
ခရစ်တော်ယေရှုနဲ့ သူနောက်လိုက်များဟာ စစ်မတိုက်တဲ့ နည်းလမ်းနဲ့ လက်နက်ချအရှုံးပေးခဲ့ပါတယ်။ ခရစ်ယာန်ဘာသာက မေတ္တာတရားကို ဖေါ်ပြပြီး၊ ခရစ်တော်ကိုယ်တိုင် ငြိမ်သက်စွာနဲ့ ကားတိုင်ပေါ်အသေခံပြီး ခရစ်ယန်ဘာသာကို ပြန့်ပွားစေပါတယ်။
၂။
တမန်တော်မိုဟာမက်ရဲ့ မူဆလင်ဘာသာကလည်း စစ်တိုက်ခြင်းကို အားမပေးပါ။ မူဆလင်ဘာသာက မေတ္တာတရားကို အထူး ဖေါ်ပြပါတယ်။ သို့သော် မိုဟာမက် အသက်ထင်ရှားရှိနေစဉ်မှာပဲ မိုဟာမက်နောက်လိုက်များဟာ စစ်တိုက်ပြီး၊ မူဆလင်ဘာသာကို ပြန့်ပွားစေပါတယ်။
၃။
ဗုဒ္ဓမြတ်စွာဘုရားဟာ စစ်တိုက်ခြင်းကို လုံးဝဆန့်ကျင်သူဖြစ်ကြောင်း ထင်ရှားလှပါတယ်။ သူ့နောက်လိုက်များဟာ ဗုဒ္ဓနဲ့အတူ မေတ္တာတရားနဲ့ ဗုဒ္ဓဘာသာပြန့်ပွားစေပါတယ်။ ဘာကြောင့် တဖြေးဖြေး ဒီလောက်ကောင်းတဲ့ ဘာသာတရားဟာ လျှော့ပါးလာရသလဲဆိုတာတော့ .. နောက်ဆုံးသောကာလ နီးကပ်လာပြီလို့ ပြောရပါမယ်။
ကိုယ်ပိုင်သုံးသပ်ချက်ဖြစ်ပါတယ်။
စာရွက်ပေါ်ရေးထားခြင်း၊ နှုတ်ဖြင့်ပြောဆိုခြင်းများထက် ပုံသက်သေလုပ်ဆောင်ပြခြင်းဟာ အရေးကြီးဆုံးဖြစ်ပါတယ်။ ကျွန်တော်ကတော့ ခရစ်တော်ယေရှုလို သိုးသည်အမွှေးညှပ်သောသူရှေ့မှာ မမြည်ဘဲနေသကဲ့သို့၊ သူသည်နှုတ်ကိုမဖွင့်ဘဲနေ၏၊ မတရားစွာစီရင်ခြင်းအားဖြင့် သူ့ကို ထုတ်သွားကြ၏၊ အသက်ရှင်သောသူတို့၏ နေရာမှ သူ့ကို သုတ်သင်ပယ်ရှင်းသည် .. (ဟေရှာယ ၅၃) တွင် ဘီစီ ၈ရာစုက ကြိုတင်ပရောဖက်ပြုခဲ့ပြီး၊ အေဒီ၃၀ တွင် ယေရှုက ကားတိုင်ပေါ်တွင် သိုးသငယ်လို အသံမမြည်ပဲ အသေခံ၊ ပုံသက်သေပြသွားပါတယ်။
ကျွန်တော့ဘ၀တွင် ခက်ခဲသောကာလများစွာတွင် ငြိမ်သက်စွာနေခြင်းဖြင့်၊ အောင်မြင်ကျော်လွှားနိုင်ခဲ့သော်လည်း၊ မငြိမ်မသက်နေထိုင်၊ ပြောဆို၊ ရေးသားမှုများကြောင့် ဆုံးရှုံးမှု များစွာလည်း ရှိပါသည်။ သင်အုပ်ဆရာ ၄ပါးက ကျွန်တော်ပြသနာတစ်ခုအတွက် အောင်မြင်စွာဖြေရှင်းနည်းကို ပြောပြပါသည်။ ခရစ်တော်ကဲ့သို့ လက်ဝါးကပ်တိုင်တွင် ငြိမ်သက်စွာအသေခံသည့် နည်းလမ်းသာရှိကြောင်း ပြသနာဖြစ်သူ ၂ဖွဲ့ကို ရှင်းလင်းပြောကြားသော်ပါသည်။ ခန္တာက ငြိမ်သက်စွာနေသော်လည်း အတွင်းစိတ်ဝိညာဉ်က မေတ္တာတရားပါလာသောအခါ ခရစ်တော်နည်းလမ်းကို ကိုယ်၊စိတ်၊၀ိညာဉ် သုံးပါးစလုံး ကျင့်သုံးခြင်းဖြင့် ကျွန်တော့်ပြသနာမှာ အဆင်ပြေသွားမည် ဖြစ်ပါတယ်။
ဇော်အောင်
30-Oct-2011
၇၅နှစ်အရွယ် မိဘ၂ပါး၊ ကျမ်းစာလေ့လာသော ၂၀၁၁ ဓါတ်ပုံ။
No comments:
Post a Comment